Gadsden bandera (ingelesez Gadsden flag) Amerikar Iraultza garaiko bandera bat da. Ondo horia eta bere buruan kiribildua eta defentsa jarreran dagoen suge bat du. 1775ean Christopher Gadsden politikariak Itsas Armada Independentistaren bandera izateko diseinatu zuen, eta behealdean lelo hau dauka: Don't tread on me ("Ez nazazue zapaldu"), "ez nazak/n zirikatu" gisako ohar moduan.
Benjamin Franklinek adierazi zuenez, banderaren izatea ez zen erasotzailea, Amerikar Iraultzan Britainiar Inperioaren aurrean nazio berriaren defentsa izaeraren irudikapena baizik, alegia, sugeek ez dute erasotzen aurrez ez baldin badira gogaituak edota erasotuak izan.
Gaur egun Ameriketako Estatu Batuetan kontserbadore askok erabiltzen dute armak eramateko eskubidearen irudi gisa edo amerikar patriotismoa aldarrikatzeko. Gainera, liberalismo ekonomikoa[1] eskatzen dutenek ere erabiltzen dute, askatasun indibidualen eta gobernuaren interbentzioaren aurka[2][3][4]. Eskuin muturreko ekintzaile batzuek ere erabili dute[5].
© MMXXIII Rich X Search. We shall prevail. All rights reserved. Rich X Search